ఫిరంగిపురంలో అమానవీయ ఘటన

Phirangipuram Brutally Incident : ఆ వ్యక్తికి గతంలో వివాహమైంది. అతనికి ఇద్దరు కవల కుమారులు ఉన్నారు. అతడి భార్య రెండేళ్ల క్రితం చనిపోయింది. దీంతో రెండో పెళ్లి చేసుకున్నాడు. ఆ మారుతల్లి ఆ పిల్లలను కంటికి రెప్పలా కాపాడాల్సింది పోయి చిత్రహింసలకు గురిచేసేది. విపరీతంగా కొడుతూ వారిని గాయపరిచేది. తాజాగా దారుణంగా హింసిస్తూ చిన్న కుమారుడిని తలపై కర్రతో కొట్టింది. అంతటితో ఆగకుండా గొంతు నులిమి ఆ బాలుడిని చంపేసింది. అదేవిధంగా పెద్దకుమారుడిని పొయ్యిమీద కాలుతున్న అట్ల పెనంపై కూర్చోబెట్టి కాల్చింది. ఈ అమానవీయ ఘటన గుంటూరు జిల్లాలో చోటుచేసుకుంది.