మహాశివరాత్రి రోజున అరుదైన ఘటన - గుడిలో నాగుపాము ప్రత్యక్షం

Snake Appeared in Shiva Temple on Shivaratri : మహాశివరాత్రి పర్వదినం సందర్భంగా పెద్దపల్లి జిల్లా ఓదెల గ్రామంలోని శివాలయంలో ఓ అరుదైన ఘటన చోటుచేసుకుంది. ఓదెల శివాలయం ఆవరణలో ఉన్న నాగదేవత విగ్రహం వద్ద ఓ పెద్ద నాగుపాము దర్శనమిచ్చింది. గతంలోనూ ఈ ఆలయంలో నాగుపాము దర్శనమివ్వగా తాజాగా మహాశివరాత్రి పర్వదినం నాడు మరోసారి నాగుపాము ప్రత్యక్షమవ్వడంతో ఇదంతా దేవుడి మహిమేనని భక్తులు భావిస్తున్నారు. నాగదేవత విగ్రహం వద్ద చాలాసేపు నాగుపాము ఉండటంతో భక్తులు పెద్ద సంఖ్యలో తరలివచ్చి నాగుపామును దర్శించుకున్నారు