HCUలో కూలిన నిర్మాణంలో ఉన్న భవనం - శిథిలాల కింద చిక్కుకున్న 9 మంది కార్మికులు

Freshly Laid Slab Collapsed in HCU : హైదరాబాద్‌ సెంట్రల్‌ యూనివర్సిటీలో నిర్మాణంలో ఉన్న పరిపాలన భవనం పోర్టికో స్లాబ్‌ కుప్పకూలింది. దాని మీద నిల్చొని పని చేస్తున్న 9 మంది కార్మికులు శిథిలాల్లో చిక్కుకుని గాయాల పాలయ్యారు. హెచ్‌సీయూ క్యాంపస్‌లో కొత్త పరిపాలన భవనం నిర్మిస్తున్నారు. సీబీడబ్ల్యూడీ పర్యవేక్షణలో ఓ ప్రైవేట్‌ కాంట్రాక్టు సంస్థ ఈ పనులు చేపడుతోంది. గురువారం రాత్రి 8 గంటల సమయంలో పోర్టికో నిర్మాణంలో భాగంగా రెడీమిక్స్ కాంక్రీట్‌తో స్లాబ్‌ వేస్తుండగా ఒక్కసారిగా కుప్పకూలింది.